Pablo Casanueva

V MUESTRA ARTÍSTICA DE RIBESEYA

80 años ensin memoria

Dende fae cinco años, un grupu de persones de Ribeseya vinculaes a l’arte agrupámonos pa mostrar la producción anual. Un total de veinte creadores pasaron pola muestra con téuniques que van dende la pintura, la instalación sonora, les téuniques mistes, la escultura, la talla, el grabáu o la danza. Un gran númberu pa tratase d’un conceyu pequeñu como Ribeseya. La edición d’esti añu tuvo interrumpida pol estáu d’alarma y retomose’l día 15 de xunu hasta final de mes. Amás, tamién asoleyamos el fanzine La Revistina incluyendo más obra y más autores. Ta dispinible pa descargar n’esti enllaz.

Pela mio parte suelo poner fotografía o videocreación. Nesta ocasión xuncí les dos téuniques y presenté cuatro semeyes y un vídeu de cinco minutos en rellación cola mar. El pesu ta puestu en les formes más que nel conteníu. Les semeyes tan impreses en papel Hahnemuhle y enmarcaes a un tamañu de 50×70. A falta d’un discursu marcáu, el conxuntu nun tien títulu. Ta disponible nel apartáu de fotografía o, más fácil, equí.