Pablo Casanueva

Xornaes Memoria Histórica en Ribeseya - Pablo Casanueva

Xornaes Memoria Histórica en Ribeseya

marzo 21, 2020 , , Pablo Casanueva
empty image

Esti 2018 cúmplense ochenta años dende’l fusilamientu del mayor númberu de riosellanos asesinaos pol Franquismu. Nel añu 1938 fueron asesinaos 38 riosellanos d’un total de 68 víctimes, fusilaes ente 1937 y 1943. Por ello, l’Asociación pa la Recuperación de la Memoria Histórica (ARMH) xuntu al riosellano Pablo Casanueva van realizar mientres el mes d’avientu una serie d’actos sobre’l tema. Énte la necesidá democrática de recuperar la hestoria y la memoria d’estes persones, pretendiendo dignificales y cubrir el vacíu esistente mientres estos 80 años nesti aspeutu, entámense les xornaes. 

A partir del día 14 de diciembre van colocase na Cai Manuel Fernández Juncos una selección de fotografíes realizaes darréu de la entrada de les tropes sublevaes en Ribesella, en stiembre de 1937.  Trátase de fotografíes dixitalizaes pola Biblioteca Dixital Hispánica y realizaes pol conocíu fotógrafu Campúa. Munches d’elles desconocíes y non asoleyaes hasta’l momentu. Van esponese na cai col fin d’espardir la temática más allá de la Sala d’Esposiciones y arreyar a los riosellanos. Podrán vese semeyes del les tropes golpistes, de la ponte o de la Ilesia bombardeada, ente otres.

El vienres 14 a les 19:30 na Casa de Cultura va tener llugar la charra titulada “La memoria de los güesos”, al cargu de Arantza Margolles. Arantza ye historiadora, arqueóloga y divulgadora en medios como El Comerciu, RPA y TPA, así como presidenta de la ARMH n’Asturies.  

El vienres 28 a les 19:30 na Casa de Cultura, habrá charra y proyección de curtiumetraxes. Alejandro Fernández, historiador, collaborador d’El Comerciu y activista de la ARMH, va tratar un aproximamientu a la memoria histórica nel Conceyu de Ribesella. 

Pablo Casanueva, cineasta y fotógrafu, va proxectar los sos dos últimos curtiumetraxes estrenaos nel FICX, “La sele construcción de la memoria” y “Escontra la casualidá”. Dambos trabayos aborden la memoria familiar del director en rellación a la guerra civil y la posguerra. 

Noticies:

https://www.elcomercio.es/asturias/oriente/historiador-alejandro-fernandez-20181229000527-ntvo.html?ref=https:%2F%2Fwww.google.com%2F