La Conseyería de Cultura, Turismu y Política Llingüística escoyó, xuntu a otres 50 pieces repartíes nes estayes d’artes escéniques, cine, artes plástiques, lliteratura y música, el mio ensayu fílmicu Nestos díes pa la plataforma Asturies, Cultura en Rede. La pieza ye un apunte cinematográficu que —apoyándose nel esquema de: la gueta (fuera), guión (dientro), rodaxe (fuera), montaxe (dientro), muestra (fuera)—  pon en diálogu los términos de dientro y fuera, tan en rellación col confinamientu, col procesu creativu fílmicu. Con too ello, repásase la producción artística demientres la crisis sanitaria: la escritura de guiones, la creación de dos pieces y el montaxe d’un proyeutu audiovisual. El metallinguaxe y l’autorreferencia, amás d’una variedá formal na imaxe, son los elementos pa esplicar el día a día nel estáu d’alarma. Na web podéis topar delles pieces d’artistes como Leticia González, Rodrigo Cuevas, Milio Ureta, Alfredo González o Ricardo Villoria.