Cineasta y artista visual, el so trabayu céntrase na investigación de la memoria, el territoriu y la política. La so obra xunce ferramientes como la memoria oral, l’archivu, la fotografía y el paisaxe. Ye graduáu en Comunicación Audiovisual pola Universidá de Burgos, con una estancia SICUE na Universidá del País Vascu (Bilbao). Ente les sos obres rescamplen los llargumetraxes Gualana (X Films – Punto de Vissta, 2026) y Luna (2024); los curtiumetraxes El día que tal (2025), 8 filmes sobre la guerra (2022) y El Cobayu (2018); y les exposiciones La imaxe, lo tapecío (2024) y Xente (2021). El so guión de curtiumetraxe Pasar l’agua foi seleccionáu como ganador del Premiu Nueves Realizadores del Principáu d’Asturies 2025. Anguaño alcuéntrase desarrollando la exposición Ocle (Residencies Artístiques El Palacio en Xixón).

Tien participáu en residencies artístiques n’instituciones como’l Centro Huarte (Navarra), LABoral Centru d’Arte y El Palaciu (Xixón). Tien recibíu formación n’espacios como la Escuela Internacional de Cine y TV de Cuba (Filmar en Cuba con Gianfranco Rosi), La Plantación (Documental y ficción y El cine en el espejo de la pintura ambos con Víctor Erice), Atelier La Juntana (Modelmaking in The Digital Age), LAV (Introducción al cine en 16mm), LAV y Academia FICX, asina como nos llaboratorios FilmLab y FICXPro.

Tamién tien fechos curtiumetraxes musicales (Euforia, cola cantante Bárbara Cuesta; Mensaxe pa la mocedá del Imperiu, col poeta y cantante Xaime Martínez) y videocreaciones (Duetos sobre la fortuna, col bailarín Pablo Dávila, Llaberintu, Tres díis a la ventana, Conserveres). Asina como’l retratu cinematográficu Herminio al artista Herminio Álvarez. Forma parte de dos obres teatrales cola compañía Higiénico Papel Teatro (Cuarteto, Yo la quería) y axunta la so xera artística col trabayu de campu y la defensa del patrimoniu cultural. Presentó la so obra y el so procesu artísticu n’instituciones como la Universidá Pública de Navarra, la Universidá de Burgos, la Universidá de Salamanca o’l Real Institutu d’Estudios Asturianos. Tamién desarrolla talleres de formación cinematográfica nel mediu rural.

La so obra cinematográfica foi proyectada en festivales y espacios como’l  Festival Internacional de Cine de Xixón, Punto de Vista (Navarra), Cinema Jove (Valencia), Clermont-Ferrand (Francia), Cineuropa (Santiago de Compostela), LAN Festival Audiovisual Obrero (Bilbao), SACO (Uviéu), Aguilar Film Festival, Muestra Internacional de Cine Etnográfico MICE (Santiago de Compostela), Avilés Acción, Babel Film Festival (Cagliari, Italia), La Pinochera (Tenerife), Azkuna Zentroa (Bilbao) y el Centro Cultural Europeo Eureka (Santander).

Nel ámbitu de les artes plástiques, tien participáu na Muestra d’Artes Plástiques del Principáu d’Asturias y amosáu el so trabayu n’espacios como LABoral Centro de Arte, Centru Niemeyer, Sala Borrón (Uviéu), Mieres Centru Cultural, Factoría Cultural d’Avilés, Antigua Rula y Antiguu Institutu (Xixón), Muséu Etnográficu del Oriente d’Asturias (Porrúa), Valey Centru Cultural (Castrillón) y el Festival Intercélticu de Lorient (Bretaña).